Qarabağ Azərbaycandır layihəsi 
 Və bu günədək qələbəmizlə,  qəhrəmanlarımızla, şəhidlərimizlə, qardaş Türkiyə və Azərbaycanın sarsılmaz dostluğu  ilə bağlı silsilə şeirlərini və hekayələrini aktyorlarımızın ifasında şəxsi yutub kanalına  yüklədi. Məqsəd Qələbəmizi, qəhrəmanlarımızı və iki dövlət arasındakı möhkəm  dostluq və qardaşlığı, bir sözlə TÜRKÜN GÜCÜNÜ Yutub kanalı vasitəsilə bütün  Dünyaya çatdırmaq idi. Layihədə Azərbaycanın görkəmli sənət nümayəndələri – Respublikanın Əməkdar artistləri, aktyorlar, rejissorlar və məktəblilər iştirak edirlər.  Etibar bu layihəyə Tovuz hadisələri başlayanda “Gözlə bizi Qarabağım” şeiri ilə başlamışdı. Müharibə dövründə isə Xüsusi Təyinatlı Qüvvələrimizn Aprel şəhidi Emin  Bağırovun timsalında Böyük Zəfərin başlanğıcı olan Aprel döyüşləri haqqında “Mən  şəhid olacam, ana” kitabını yazıb, Qələbəmizlə eyni vaxtda bitirdi. Kitabın son  səhifələrində Vətən müharibəsində qazandığımız qələbə haqqında məlumatlar da yer  alıb. Kitab nəşr olundu və Eminin ailəsinə təqdim edildi.  

Layihədə Etibarın “Gözlə bizi, Qarabağım”, “Qarabaq Azərbaycandır”, “Qardaş”,  şəhid generalımız Polad Həşimova həsr etdiyi “General gəlir”, “Şəhidlər”, “Xudayar  səsi”, “Azərbaycan”, “Bayrağım”, “Hadrut fatehi”, “Ağaran saçlar”, “Son qərar”,  “Zəfər paradı, “Sarsılmaz dostluq”, “Kəşfiyyatçı qəhrəman”, “Şəhidlər bacısı”, “Şuşa  poeması”, “Şuşa festivalı”, “Şuşa Bəyannaməsi”, “Şuşam” və “Bizim Bayraktar”  əsərləri yer alıb.  
Layihə hələ də davam edir. Bu ilin iyun ayında layihə çərçivəsində Etibarın “Vətən  uğrunda” adlı 2-ci kitabı da işıq üzü görüb. Kitab 2-ci Qarabağ müharibəsində iştirak  edən Daşkəsən şəhidlərinə və döyüşçülərinə həsr olunub. Etibarın dediyinə görə, layihə 
çərçivəsində “Zəfər bizimlədir” adlı daha 1 kitabı işıq üzü görəcək.  Bu işlərindən əlavə Etibarın vətənpərvər mövzularda yazdığı bir sıra hekayələri və povestləri də vardır.  

Etibar Həsənzadənin “Qarabağ Azərbaycandır” adlı fərdi layihəsinə Azərbaycanın  Vətənpərvər birlikləri, Şəmkir Regional Mədəniyyət idarəsi, qardaş Türkiyəmizin bir  neçə Federasiyası, bir çox təşkilat, ədəbi birlik və dərnəklərindən böyük diqqət, dəstək  və mükafatlar vardır.

Etibar HƏSƏNZADE'nin eserini bu libkteb izleyebiliriniz

#Etibar HƏSƏNZADE #Karabağ #Karabağ Leyihası